ألوان خشب

بألوان خشب...

أنا كنت فاكر أني حلوّن كل شئ لون الدهب

بألوان خشب...

ولا أي هم فالدنيا ديه يقدر على لوني الخشب

وقبل موصل بيها حتى العتب

أتكسرت أقلام الفرح

مفضلش غير أقلام التعب

والحب لونه ضاع

والبعد على كل لون أنسكب

وصبحت أنا فنان

عايش بروح إنسان...خايف

وإيه السبب...

كل السبب...

ألوان خشب.

أنا حكتب فالمدونه دي حسب التساهيل
أيوه حسب تساهيل ربنا
زي ما أنا عملتها كده من غير مقدمات و تفكير
و فظروف ميعلم بيها إلا ربنا
يعني حسب التساهيل
والله أعلم حكملها وكتب فيها ويبقى بالي طويل
وللا يومين وحنساها وسبها
وتروح زي ما حاجات كتير راحت مع الباقين
ورجع و قول حسب التساهيل
وللا حفضل أكتب فيها
وفالأخر أقول يا عم أمسح دي كلها كلام مجانين
يا عم سيبك حسب التساهيل
وللا حعملها وسبها كده
ويومين و تضرب وبقى من المشاهير
يللا بقى حسب التساهيل

يارب منساش وأعرف أفتحها تاني .